шырық бұзу

(Дезорганизация; франц. des — бұзылу, кері, кету, тәртібі жойылу)

қарсыластың бөлімдері мен бөлімшелерінің ұрысқа әзірлігі мен қабілеттілігін төмендетуге, жауынгерлік тапсырманың орындалуын қиындатып, тоқтатылуына әкеліп соқтыратын қарсылас тылының қалыпты жұмысы мен әскерінің ұйымдасқан іс-әрекетінің бұзылуы. Шетел мамандарының көзқарасы бойынша, әскери (ұрыс) іс-әрекеттің дайындығын бұзу үшін мынадай шаралар жүргізіледі: дұшпандық насихат, жалған хабарлар тарату, диверсия дайындау және жүргізу, т.б. Соғыс барысында Д. мақсатымен тыл объектілеріне, байланыс тораптарына, басқару пункттеріне авиациялық және ракеталық әскермен соққы беріледі; әуе және теңіз десанттары түсіріледі; қарсыластың тылына арнаулы топтар мен жасақтар жіберіледі; радиоэлектрондық күрес құралдары кеңінен қолданылады. Ұрыс қимылдарын дайындауда, әдетте, қарсылас әскерінің басқарылуын берекесіздендіру, бөлім мен бөлімшелердің ұрыс қабілетін төмендету және тыл қамтамасыздығын қиындату шаралары ұйғарылады. Қарсыластың әскер басқармасы мен тылында іскерлікпен өткізілген берекесіздендіру табысқа жетуге жағдай жасайды.